Ontmoet die Span

Anna-Marie Jansen v Vuuren

Skrywer

  • Joernalistiek 25%
  • Tersiêre Onderrig 60%
  • Skryf 10%
  • Kreatiewe Navorsing 5%

Anna-Marie Jansen van Vuuren is ‘n dosent by die Departement van Joernalistiek, Film en Televisie by die Universiteit van Johannesburg. Sy is sedert Desember 2006 ‘n vryskut joernalis vir MonitorSpektrum en Naweek-Aktueel, die nuusaktualiteitsprogramme van RSG (SAUK Radio). Sy het grade in beide Joernalistiek en Film & TV produksie en gee klas in albei rigtings by verskeie universiteite. Sy behaal in 2016 haar PhD-graad in Kreatiewe Skryfwerk – Draaiboekskryf, met spesialisering in geskiedkundige rolprente, by die Universiteit van Pretoria.

Dee Theart

Skrywer

  • Musiek 35%
  • Film, Teater & TV 27%
  • Taal & Skryf 30%
  • Goeie wyn en samesyn 8%

Dee Theart is ’n veelsydige vermaaklikheids- en mediaslaaf. Haar kwalifikasies sluit ’n BDram-graad en ’n nagraadse kwalifikasie in Vertaling en Redigering in. Sy is die gesig en stem by Silverstar Casino as MC. Verder is sy is ook passievol oor stemwerk en toneelspel en pak gereeld projekte in hierdie velde aan. Dee is ook bedrywig as musiekjoernalis, musiekbestuurder en opvoeder van drama en publieke gespreksvoering vir kinders. Sy leef haar passies 24/7 uit en is altyd opsoek na ’n nuwe uitdaging.

J.W. Hurter

Skrywer

  • Studeer 52%
  • Klas gee 13%
  • Fliek 24%
  • Idees uitdink om eendag ‘n sitcom saam met vriende te skryf 11%

JW is volgens sy kwalifikasies ‘n wetenskaplike. Hy het ‘n B.Sc Chemie en B.Sc(Hons) Medisinale Plantwetenskap aan die Universiteit van Pretoria behaal en is tans besig om ‘n M.Sc in dieselfde rigting af te handel. Hy bied chemie klasse vir eerstejaars aan en tree af en toe op as aflosonderwyser en serimonie-meester. Hy spandeer egter nie sy vrye tyd in ‘n laboratorium nie, maar eerder in die bioskoop. Hy is passievol oor teater en filmwese en droom daarvan om as regisseur op te tree, om sodoende eendag sy verbeeldingsverhale ‘n werklikheid te maak. Sy grootste inpirasie is die werke van Christopher Nolan, Woody Allen en Danny Boyle.

jwhurter.wordpress.com

Rick Bronkhorst

Stigter

  • Studeer 70%
  • Fliekmaak 1%
  • Hire SA 15%
  • Entrepreneur 14%

Rick Bronkhorst wil graag homself vestig in die filmbedryf as vervaardiger,regisseur en akteur. Bioskoop, Hire SA en C²earth is deur hom gestig. Hy het gekwalifiseer as ‘n kommersiële vlieënier (SACAA Com, IF, SE) in 2013 by die Stellenbosch Vlieg Klub(SFC). Enkel enjin vliegtuig. Instrument Gradering. Tans is hy besig met sy BA graad in Rolprent produksie te Kaapstad.

rickbronkhorst.com

Stanley June

Videograaf

  • Alles Musiek 47%
  • Skryf 23%
  • Videoskepping 22%
  • Kook en Eet 8%

Stanley June is ’n passievolle solo sanger en musikant. Sy debuutalbum is getiteld Imitating Art en hy het al die snitte daarop self geskryf. Stanley het al die verhoog met groot name in die industrie gedeel, soos Dan Patlansky, Albert Frost en Jesse Clegg. In sy vrye tyd gee hy kitaarlesse, maak hy musiekvideos en is hy ook betrokke by die verfilming en verwerking van ander filmprojekte. Een van sy ander passies is musiekklankbane vir filmprojekte en die skep van musiek vir advertensies.

www.stanleyjune.com

Afrikaanse film nuus se hoogtepunt

Voor die eerste film-bord kon klap sal ons jou die brokkels nuus kafdraf

Nuus

Weet wat is vars vanaf die mark.

Loket

Weekliks al die syfers.

Resensies

Eerlik en op die man af.

Maak Gerus Kontak Met Ons

Bitnami